إخوان كول أسوان
السلام عليكم ورحمه الله وبركاته
مرحبا " اهلا وسهلا " بك
إن كنت زائر أتمني انك تكون من افضل الاعضاء عندنا

إخوان كول أسوان

الأختلاف للتميز
 
الرئيسيةالتسجيلدخول

شاطر | 
 

 هو دا حالك يا مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
THE MYTH
مدير عام
avatar

عدد المساهمات : 531
نقاط : 109
الاوسمة :
بلدي :
هوايتك :

مُساهمةموضوع: هو دا حالك يا مصر   الخميس سبتمبر 04, 2008 11:44 am









خواطر مجنونة عحبتني اوي

حبيت انقلها لمصر


(((هعوز ايه منك يا مصر ؟؟)))


هعوز ايه منك يا مصر ؟؟
وايه اللي فيكي حلو من بعد النصر ؟
ما خلاص يا مصر خلاص .. خلصتي بجد خلاص

الكل هاجر وبعد واتغرب
وما عادش فيكي شبر ينداس

الغلا زاد وطفح
وغطا على كل الناس

الغني فيكي بيتحكم ويتأمر
والفقير فيكي كتيـــــــــــر قوي ومحتاس

حتى الفلاح اللي كان خيره فيكي
سافر لأجل الدينار والريال وساب الفاس

حتى الغنا هو كمان
هرب منه الإحساس

هعوز ايه منك يا مصر
زحمة ودخان وزبالة
والناس صابرة ومش عايزة تقوم
لا مش صابرة .. دي الناس خايفة
خايفة وشايلة في قلوبها هموم
طب هنعمل ايه ؟؟ هو ده السؤال
وللأسف الجواب مش معلوم
آه لو تصحي يا بلد
وآه لو يصرخ كل مظلوم
لكن يا بخت الأوباش .. عارفين ان الكل مكتوم
والشعب خايف وساكت
وغرقان في بحر النوم
وبتسأليني يا مصر عن حاجة عايزها ؟؟!!!
والبلد فيها سبعين مليون محروم ؟

هعوز ايه منك يا مصر ؟؟
رأسمالية آسية وشعب طيب
ازاي يكون في بينهم حوار ؟
ولو قلت ولا اتكلمت ؟
أبقى حطيت جنب البنزين شرار
دي مش بلدنا ولا أرضنا
دي ملك شوية أشرار
عايزين يركبوا الناس الغلابة
لا .. دول خلاص ركبوا
وعملوا الغلبان حمار
وتسألهم ؟ يقولولك ديمقراطية
هههه
عاملين زي جحا باع بيته وساب له فيه مسمار
يا مصر انا عايز أقولك .. ولا أقولك ؟

هعوز ايه منك يا مصر ؟
سيبونا وارحمونا بقى
انتوا ايه مش مكفيكوا الملايين ؟
كل حاجة فيكي اتخصخصت
مافاضيلش غيرنا احنا يا بني آدمين
والله ياريت يخصخصونا
بس يا خوفي لنطلع في الآخر مديونين
نفسي كلامي يوصل للناس
بس لو عرفوني هيحطوني مع المجانين
مافيش غيرهم اللي بيتكلموا وساكتين كل العاقلين

عايزة مني ايه يا مصر ؟؟؟؟
كل حاجة فيكي غليت
والمرتب بيخلص من أول يومين
حديد بيغلى وطبعا شقق
دول حتى مانسيوش لتر البنزين
والزيت والسكر ورغيف العيش
واللحمة والفراخ فينهم مش باينين ؟؟
هقولكوا ايه ولا ايه ؟؟
ما انتو اكيد كلكوا عارفين
عايزك يا مصر تكوني .. ولا اقولك ؟
هعوز ايه منك يا مصر ؟؟

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ZAKEER
مدير عام
avatar

ذكر عدد المساهمات : 223
نقاط : 69
العمر : 30
بلدي :
هوايتك :

مُساهمةموضوع: رد: هو دا حالك يا مصر   الخميس سبتمبر 04, 2008 12:02 pm

مصر هى امى نيلها جوه دمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هو دا حالك يا مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
إخوان كول أسوان :: 
القسم الساخن
 :: حوارات سياسية
-
انتقل الى: